Milan nuk "ngopet", kërkon edhe super lojtarin..

Milanit i hapet oreksi në fundin e merkatos së janarit. Edhe pse ende nuk është shuar buja e transferimit të Mario Balotellit, drejtuesit kuqezinj po punojnë intesivisht për të rikthyer në Milanello brazilianin e Real Madrid, Ricardo Kaka.

Heshtja e Adriano Gallianit gjatë ditëve të fundit vërteton edhe një herë planin e Milan për të propozuar ofertën në minutat e fundit të merkatos. Sipas asaj që raporton "Calciomercato", në zyrat e klubit, në rrugën Turati, drejtuesit e "Djallit" po përgatisin ofertën që pritet ti bëhet e ditur "Los Blancos" gjatë orëve në vijim.

Kaka kërkon pjesëmarrjen në Brazil 2014 dhe për të arritur këtë duhet të luajë në nivele të larta, por Milan më parë duhet të mposhtë konkurencën e Anzhit.