Nga 1 korriki Llorente...

Fernando Llorente juventin... por që nga sezoni i ardhshëm. Administratori i deleguar i Juventusit, Giuseppe Marotta konfirmon se shoqëria është shumë pranë blerjes së bomberit bask, por ai konfirmon se do të mbërrijë në Torino vetëm pasi për mbyllë çdo detyrim kontraktual me Athletic Bilbaon. Me pak fjalë, Antonio Conte nuk mund të besojë te lojtari për pjesën e dytë të sezonit, ashtu siç u përfol ne media ditët e fundit.

"Nëse do të gjejmë mundësinë për të forcuar skuadrën që u shpall kampione, do ta bëjmë. Llorente? Jam shumë optimist dhe mendoj se do të luajë me Juventusin duke filluar që nga muaji Korrik, jo më parë".

Konturet e kontratës së sulmuesit bask janë përcaktuar prej kohësh. Llorente do të firmosë një kontratë deri në vitin 2017 me 4.5 milionë euro në sezon plus bonuset e lidhura me ecurinë e tij.